"Hal-hazırda komandamızda yeni futbolçu yoxdur. Komandamıza yeni futbolçu cəlb olunduqda bu barədə ictimaiyyətə məlumat verəcəyik. Mətbuatda bu haqda gəzən şaiyələr həqiqəti əks etdirmir".
Bu sözləri sportarena.az saytına açıqlamasında "Xəzər Lənkəran" klubunun mətbuat xidmətinin rəhbəri Hüseyn Cəbrayıloğlu deyib.
Komandanın "Neftçi" ilə oyuna hazırlıqlarından danışan H.Cəbrayıloğlu:
"Komandada zədəli oyunçumuz yoxdur. Təkcə Ruslan Cəfərov "Qarabağ"la oyunda qırmızı vərəqə alıb. Bu barədə AFFA-nın Apellyasiya Komitəsinə şikayət ərizəsi göndərmişik. Yaxın zamanda bu barədə Komitədən bizə cavab gələcək".