"Xəzər Lənkəran"ın transferə çıxardığı yarımmüdafiəçi Kamran Abdullazadə yenidən "ağ-yaşıllar"ın heyətinə qayıdıb.
Bu barədə klubun mətbuat xidmətinin rəhbəri Hüseyn Cəbrayıloğlu sportarena.az-a açıqlama verib.
O, K.Abdullazadə ilə yanaşı Elnur Cəfərova da klubun bazasına geri qayıtması ilə bağlı məktub ünvanladığını bildirib:
"Biz Kamran Abdullazadə və Elnur Cəfərova klubun bazasına dönüb, məşqlərə davam etməsi ilə bağlı məktub göndərmişik. Hal-hazırda Kamran Abdullazadə klubun bazasındadır. O sabah əvəzedici heyətdə məşqlərə başlayacaq. Elnur Cəfərovdan isə hələ cavab gözləyirik".
Qeyd edək ki, Kamran Abdullazadənin "Neftçi" klubuna qarşı oyunda forma geyib-geyinməməsi hələ məlum deyil.