Argentinanın “Urakan” klubunun futbolçularını daşıyan avtobus yoldan çıxaraq aşıb.
Sportarena.az xəbər verir ki, hadisə “Urakan”ın Libertadores Kubokunun seçmə mərhələsində “Karakas”la oynamaq üçün yollandığı Venesuelada baş verib. Futbolçuları aeroporta aparan avtobusun əyləc sistemində problem olduğu üçün sürücü idarəetməni itirərək qəza törədib. Futbolçular arasında ciddi xəsarət alan olmadığı bildirilir.