"Qarşıda bizi "Zirə" klubu ilə çətin oyun gözləyir. Komandamız bu gündən etibarən məşqlərə başlayıb. Keçirdiyimiz son 3 oyunda 1 xal toplamışıq. Bu matçda çalışacağıq ki, var gücümüzlə mübarizə aparıb rəqibdən xal ala bilək".
Bu sözləri sportarena.az saytına açıqlamasında "Xəzər Lənkəran" klubunun baş məşqçisi Elbrus Məmmədov deyib.
Elnur Cəfərovun bazaya dönmədiyini deyən baş məşqçi Kamran Abdullazadənin bu oyunda meydana çıxıb-çıxmayacağına da fikir bildirib:
"Kamran Abdullazadə hələ formasını bərpa edə bilməyib. Məşqlərə davam edir. Lakin "Zirə" ilə qarşılaşmada meydana çıxacağını deyə bilmərəm. Biz onu əsas komanda ilə oyuna çıxmağa tam hazır olduğu zaman meydana buraxacağıq. Elnur Cəfərovdan isə hələki bir xəbər yoxdur"
Qeyd edək ki, bir neçə gün öncə klub rəhbərliyi transferə çıxardığı futbolçuları Kamran Abdullazadə və Elnur Cəfərova bazaya qayıtması haqqında məktub göndərmişdi. Kamran Abdullazadə bazaya geri dönsə də, Elnur Cəfərovdan bir xəbər yoxdur.