"Xəzər Lənkəran"ın qış fasiləsi zamanı transferə çıxardığı futbolçusu Elnur Cəfərov İspaniyaya yollanıb.
Klubdan sportarena.az-a verilən məlumata görə futbolçu İspaniyanın Sequnda Liqasında çıxış edən "Real Oviyedo" klubunun bazasında baxışdadır. Həftəsonuna qədər baxışda olacaq futbolçunu klub bəyənərsə tərəflər arasında danışıqlara başlanılacağı gözlənilir.
Qeyd edək ki, "Real Oviyedo" klubu İspaniya Sequnda Liqasında 25 turdan sonra 42 xal toplayaraq 3-cü yerdə qərarlaşıb.