“Qəbələ” daha bir futbolçu transferini rəsmiləşdirib.
Sportarena.az xəbər verir ki, klubun rəsmi saytına öncəki karyerası haqda danışan millimizin üzvü tezliklə yeni komandasına fayda vermək istədiyini bildirib.
28 yaşlı müdafiəçi mövsümün sonunadək komandanın formasını geyinəcək. Ukraynanın “Atlant” (Kremençuq) klubunun yetirməsi olan Paşayev peşəkar karyerasına “Dnepr”də başlayıb. 2004-2014-cü illərdə bu komandanın üzvü olan müdafiəçi 2008 və 2012-2013-cü illərdə icarə əsasında “Krivbass”da çıxış edib. 2013-2014-cü illərdə “Karpatı”ya icarəyə verilən Pavel 2014-2015-ci illərdə Zaporojye “Metallurq”unun şərəfini qoruyub. Ukraynanın U-17, U-19 və U-21 yığmalarında da oynamış müdafiəçi bu ölkənin əsas millisində 2 yoxlama matçında iştirak edib. 2015-ci ildən Azərbaycan millisinə dəvət olunan futbolçu noyabrın 17-də Moldova ilə yoxlama matçında (2:1) komandada debüt edib.
Xatırladaq ki, Paşayevə qədər “Qəbələ” qış fasiləsində Rəşad Eyyubovu da heyətinə qatmışdı.
"Qəbələ" TV-nin Pavel Paşayev haqda hazırladığı qısa video təqdimat: