"İlk növbədə azarkeşlərimizə təşəkkür edirəm bizi tək qoymurlar. Bütün oyunlarımıza gəlir və bizə dəstək olurlar. Oyuna gəlincə, özünüz də gördünüz ki, "Xəzər Lənkəran" elə- belə komanda deyil. Döyüşkən və mübariz bir kollektivdir. Biz də çox sevinirik ki, çətin də olsa qalib gələ bildik."
Sportarena.az xəbər verir ki, bu sözləri "Xəzər Lənkəran"ı səfərdə 0:2 hesabı ilə məğlub edən "Zirə"nin baş məşqçisi Adil Şükürov deyib. Məmmədov Yovan Krnetanın zədələnməsinə də münasibət bildirib:
"Krnetanın zədələnməsi planlarımızı pozdu. Düzdür oyunumuza güclü təsir etməsədə, zədələnməsi yaxşı olmadı. Oyundan öncədə zədəlilərimiz var idi. Nurlan və Bonila biri zədəli, biri də xəstə idi. Çalışarıq ki, gələn oyunlara bunları aradan qaldıraq. Futboldu burda zədədədən sığortalanmaq olmur."
"Qartallar"ın çalışdırıcısı qarşıdakı turda "Neftçi" ilə qarşılaşacaqları oyunun çətinliyi də qeyd edib:
"Çox çətin oyun olacaq. Bunu bilirik. Futbolçularla da danışanda deyirik ki, bizi qarşıda hər komanda ilə iki oyun gözləyir. Bu oyunlar ele oyunlardır ki, bu oyunlarda lazım olan xalları qazana bilsək yaxşı yerlərdə qərarlaşa bilərik."