Portuqaliyalı mütəxəssis Joze Mourinyo "İnter" klubuna münasibəti haqda danışıb.
"Mən evimə qayıtmışam. 6 il burda olmamama baxmayaraq ailə böyük bir şeydir. Sanki 6 gün idi ki, burdan çıxmışdım. Futbolda insani münasibətlər qələbələrdən vacibdir. Moratti hər zaman mənim prezidentim olacaq.
Bura qayıda bilərəmmi? Niyə ki, yox? "Çelsi"yə qayıtmışam, niyə də İnterə qayıtmayım?
Əvvəllər də söylədiyim ki, Mançini və Toxirin uğur qazanmasını arzulayıram" – deyə mütəxəssis "Sky Sport Italia"nın canlı yayımında qeyd edib.
Əlavə edək ki, Mourinyo İtaliya çempionatının "İnter" - "Sampdoriya" oyununda stadionda Ronaldo, Zanetti və Moratti ilə birlikdə qarşılaşmanı izləyib.