Bu gün Azərbaycan Premyer Liqasında XXIII tura start veriləcək.
Sportarena.az xəbər verir ki, turun bütün oyunları bir gündə keçiriləcək.
Tura Gəncədə start veriləcək. Yerli "Kəpəz" Gəncə şəhər stadionunda Sumqayıtın eyniadlı komandası ilə üz-üzə gələcək. Matç saat 14:00-da start götürəcək.
Turun maraqla gözlənilən matçlarından biri Zirədə baş tutacaq. Premyer liqanın debütantı "Zirə" doğma meydanda "Neftçi" klubunu qəbul edəcək.
Bu matçla eyni vaxtda AZAL "Rəvan"ı qəbul edəcək. Ardıcıl 3 oyunda qələbə qazana bilməyən AZAL bu gün autsayder "Rəvan"dan xal almağa çalışacaq. Hər iki matç saat 15:00 da start götürəcək.
Turun daha bir maraqlı oyunu Qəbələdə keçiriləcək. Qəbələnin eyniadlı komandası əvvəlki gücündə olmayan "Xəzər Lənkəran"ı qəbul edəcək. Roman Qriqorçukun yetirmələri əsasən gənclərdən təşkil olunmuş "Xəzər Lənkəran"ı sınağa çəkəcək.
XXIII turun mərkəzi görüşü "İnter Arena"da keçiriləcək. "Bankirlər" doğma meydanda son ölkə çempionu "Qarabağ"ı qəbul edəcək. "İnter" bu görüşdə var gücü ilə mübarizə aparıb liderlə arasında olan 13 xallıq fərqi azaltmağa çalışacaq. Matç saat 18:00-da başlayacaq.
27 fevral
Azərbaycan Premyer Liqası
XXIII tur
14:00. “Kəpəz” – “Sumqayıt” 0:0
Hakimlər: Əliyar Ağayev, Rza Məmmədov, Kamran Bayramov, Mahir Məmmədov
Gəncə şəhər stadionu
İlk 2 dövrədəki oyunlar: 3:1, 2:2
15:00. “Zirə” – “Neftçi” 3:0
Qollar: Nelson Bonilla, 68, (1:0), Luiz Alberto Diez, 87, (2:0), Luiz Alberto Diez, 90+3, (3:0)
Qırmızı vərəqə: Cavid İmamverdiyev, 43, ("Neftçi)
Hakimlər: Fariz Yusifov, Munis Abdullayev, Elman Musayev, Ramil Əhmədov
Zirə İdman Kompleksinin stadionu
İlk 2 dövrədəki oyunlar: 2:0, 1:1
15:00. AZAL – “Rəvan” 1:0
Qol: Nuqzar Kvirtiya, 62, (1:0)
Qırmızı vərəqə: Qvanzav Maqomedov, 51, (AZAL)
Hakimlər: Rauf Cabbarov, Coşqun Həsənov, Nahid Əliyev, Xəlil Xəlilov
AZAL Arena
İlk 2 dövrədəki oyunlar: 1:0, 0:0
17:00. “Qəbələ” – “Xəzər Lənkəran” 0:0
Hakimlər: Rəvan Həmzəzadə, Yaşar Abbasov, İsgəndər Əliyev, Elvin ƏsgərovQəbələ şəhər stadionu
İlk 2 dövrədəki oyunlar: 6:0, 1:0
18:00. “İnter” – “Qarabağ” 1:1
Qollar: Nizami Hacıyev, 41, (1:0), Rəşad Sadıqov, 88, (1:1)
Hakimlər: Ömər Paşayev, Namiq Hüseynov, Vaqif Musayev, Ramil Diniyev
“İnter Arena”
İlk 2 dövrədəki oyunlar: 0:2, 0:1