Rusiyanın Moskva şəhərində keçirilən MMA üzrə "Fight Night Global" turnirində azərbaycanlı döyüşçü Nəriman Abbasov qələbə qazanıb.
Sportarena.az xəbər verir ki, idmançımız 1/4 final mərhələsində Rusiya təmsilçisi Nikolay Qapanovla üz-üzə gəlib.
Döyüşçümüzün qələbəsi ilə yanaşı, Abbasovun rinqə çıxmazdan əvvəl atdığı addımı da alqışa layiq olub. Belə ki, o, rinqə dəvət olunarkən üzərində "Khojaly Genocide" yazılan formanı geyinib.
Qeyd edək ki, yarışa erməni iştirakçılar da qatılıb. Nəriman Abbasovdan sonra meydana məhz erməni idmançı çıxıb.