Oryolda kikboksinq üzrə beynəlxalq ACB turniri keçirilib. Yarışlarda azərbaycanlı döyüşçülər Alim Nəbiyev və Söhrab Əzimov da iştirak ediblər.
ASB KB-5 turnirinə Azərbaycan, Hollandiya, Mərakeş, Böyük Britaniya, Surinam, Belçika, Ukrayna və Rusiyadan ən yaxşı döyüşçülər, o cümlədən dünya və Avropa çempionları qatılıb.
Alim Nəbiyevin ilk rəqibi britaniyalı Ceymi Beyts olub. 77 kiloqram çəki dərəcəsində döyüş bərabər şəraitdə keçib, lakin üçüncü raundda azərbaycanlı kikboksçu üstünlük qazanıb. Hakimlərin ümumi rəyi ilə qələbə ona verilib. Söhrab Əzimov isə 61 kiloqram çəki dərəcəsində rusiyalı Timur Nadirova uduzub.