ABŞ-ın "Orlando Siti" klubunun braziliyalı yarımmüdafiəçisi Kaka DÇ-2018-in seçmə mərhələsində Uruqvay və Paraqvay milliləri ilə görüşdə Braziliyaya kömək edə bilməyəcək.
Sportarena.az xəbər verir ki, bir müddət öncə Braziliya millisinin baş məşqçisi Karlos Dunqa Kaka üçün dəvət göndərmişdi. Lakin 33 yaşlı futbolçu heyətdən çıxarılıb. Buna səbəb isə yarımmüdafiəçinin bud əzələsində olan problemdir.
Baş məşqçi Dunqa Kakanın yerinə "Liverpul"un yarımmüdafiəçisi Roberto Firminonu dəvət edib.
Qeyd edək ki, Braziliya yığması Uruqvayla martın 26-sı, Paraqvayla isə 30-u qarşılaşacaq.