Martın 29-da keçiriləcəyi gözlənilən Belçika - Portuqaliya matçı təxirə düşə bilər.
Sportarena.az xəbər verir ki, buna səbəb bu gün Belçikada baş verən terror hadisləridir.
Paytaxt Brüsseldə baş vermiş terror aktı nəticəsində Belçika millisinin bu gün baş tutmalı olan məşqi də təxirə salınıb.
Qeyd edək ki, Zaventem hava limanında ard-arda törədilən iki partlayışda 11 nəfər, metroda törədilən partlayışda isə 15 nəfər olmaqla, ümumilikdə 26 nəfər ölüb, 35 nəfərdən çox şəxs yaralanıb.