"Bizim üçün yaxşı oyun alındı. Nümunəvi bir oyun idi. Bu oyunda hansı səhvlərə yol verdiyimizi seçmə oyunlar qabağı analiz edəcəyik."
Sportarena.az xəbər verir ki, bu sözləri Qazaxıstana 0:1 hesabı ilə məğlub olan millimizin futbolçusu Qara Qarayev deyib:
"Yaxşı nəticə də qazana bilərdik amma olmadı. Oyunun ilk dəqiqələrindən rəqib bizə oynamağa imkan vermədi. İlk dəqiqələrdə də hesabı açdılar. Lakin ilk hissənin sonlarında şanslarmız oldu istifadə edə bilmədik. Fasilədə Prosineçki etdiyimiz səhvləri bizə göstərdi. İkinci hissədə həmin səhvləri aradan qaldırmağa çalışdıq. Bunu nə dərəcədə bacardıq ona Prosineçki qərar verəcək. Bu məğlubiyyəti unudub, növbəti oyunlara hazırlaşmaq lazımdır.