"Bavariya"nın polşalı futbolçusu Robert Levandovski klub ilə yeni müqavilə imzalayıb.
Sportarena.az xəbər verir ki, 27 yaşlı hücumçu yeni müqaviləyə əsasən daha 5 il - 2021-ci ilə qədər Bundesliqa klubunun şərəfini qoruyacaq. Futbolçunun illik nə qədər məvacib alacağı isə açıqlanmayıb.
Qeyd edək ki, bir müddət öncə futbolçu, məvacibinin 10 milyondan, 18 milyona artırılacağı təqdirdə Münxen komandasında qalmağa razı olduğunu bildirmişdi.