"Lester Siti"nin hücumçusu Ceymi Vardi karyerasını İspaniya La Liqasında davam etdirə bilər.
İngilis futbolçu Madrid "Real"ının maraq dairəsinə düşüb.
Cari mövsüm sərgilədiyi oyunla adından söz etdirməyi bacaran 29 yaşlı futbolçu "Real"ın yay transfer siyahısında yer alıb. "Kral klubu"nun baş məşqçisi Zinəddin Zidan yeni mövsümdən onu komandasında görmək istəyir. Vardi daha öncə verdiyi açıqlamasında "Lester Siti"dən ayrılmaq istəmədiyini bildirsə də, onun "Real"ın təklifini necə qarşılayacağı maraqla gözlənilir.
Qeyd edək ki, Vardi cari mövsüm Premyer Liqada keçirdiyi 31 oyunda 19 qol vurub və 8 məhsuldar ötürmə verib.