PSJ-nin hücumçusu Zlatan İbrahimoviç sürpriz açıqlaması ilə diqqət mərkəzinə düşüb. İsveçli forvard TV4-ə bildirib ki, mövsümün sonunda karyerasını bitirə bilər:
"Mövsümün sonunda qərarım ağlasığmaz ola bilər. Bəlkə də karyeramı başa vurdum. Təbii ki, bu barədə heç kəs düşünmür. Ancaq mövsümün sonunda karyeramı zirvədə başa vurmağı seçə bilərəm".
Mövsümün sonunda PSJ ilə müqaviləsi başa çatacaq 34 yaşlı hücumçunun karyerasını hansı klubda davam etdirəcəyi məlum deyil.
İbrahimoviç bu mövsüm Liqa 1-də meydana çıxdığı 25 oyunda 27 qol vurub, 12 məhsuldar ötürmə ilə yadda qalıb.