Voleybol üzrə Azərbaycan birinciliyində qadınların mübarizəsində mövsümün ən yaxşı oyunçularının adları açıqlanıb. Azərbaycan Voleybol Federasiyasından verilən xəbərə görə, qızıl medallara sahib çıxan "Azərreyl"in oyunçuları siyahıda üstünlük təşkil edir. Çempionun heyətindən 5, gümüş müküfatçı "Telekom"dan 1, bürünc medalçı "Lokomotiv"dən 2, dördüncü yerin sahibi "Azəryol"dan isə 1 oyunçu Super Liqanın "ən"ləri olub.
Azərbaycan çempionatının "Ən dəyərli oyunçusu" adına "Azərreyl"in amerikalı hücumçusu Medison Kinqdom layiq görülüb. Final mərhələsinin "Ən dəyərli oyunçusu" isə millimizin üvzü Odina Bayramova seçilib.
2015-2016-cı illər mövsümünün "ən"lərinin siyahısını təqdim edirik:
"Ən dəyərli voleybolçu" (MVP) - Medison Kinqdom ("Azərreyl")
Final mərhələsinin "Ən dəyərəli oyunçu"su - Odina Bayramova ("Azərreyl")
"Ən yaxşı toppaylayıcı" - Nootsara Tomkom ("Azərreyl")
"Ən məhsuldar oyunçu" - Aneta Havliçkova ("Lokomotiv")
"Ən yaxşı hücumçu" - 1 - Yelizaveta Səmədova ("Telekom")
"Ən yaxşı hücumçu" - 2 - Stefani Niemar ("Azəryol")
"Ən yaxşı top qəbul edən" - Odina Bayramova ("Azərreyl")
"Ən yaxşı blokçu" - Cesika Cons ("Azərreyl")
"Ən yaxşı libero" - Valeriya Məmmədova ("Azərreyl")
"Ən yaxşı topu oyuna daxil edən" - Malika Kanzonq ("Azəryol")
"Ən yaxşı müdafiəçi" - Brenda Kastilio ("Lokomotiv")