"Mançester Siti" klubu yarımfinala yüksəlməklə tarixində bir ilkə imza atıb.
Sportarena.az xəbər verir ki, daha öncə iki dəfə 1/8 final mərhələsinə yüksələn İngiltərə klubu, hər iki dəfə "Barselona"ya məğlub olaraq mübarizəni dayandırmışdır.
Lakin bu mövsüm 1/4 final mərhələsində çıxış edən şəhərlilər, ilk oyunda Fransanın PSJ klubu ilə 2:2 hesablı bərabərlik əldə etmişdi. Dünən İngiltərədə keçirilən cavab oyununda isə "şəhərlilər" 1:0 hesablı qələbə qazanaraq yarımfinala adını yazdıra bilib.
Xatırladaq ki, dünən keçirilən matçlarda digər yarımfinalçının da adına aydınlıq gəlib. Doğma meydanda "Volfsburq"u 3:0 hesabı ilə məğlub edən (ilk oyun 2:0) "Real" yarımfinala vəsiqə qazanıb.
Qeyd edək ki, digər iki yarımfinalçının adına isə bu gün baş tutacaq iki matçda aydınlıq gələcək.