Almaniyanın nüfuzlu "Bild" qəzetinin məlumatına görə, portuqaliyalı baş məşqçi Joze Mourinyo "Mançester Yunayted"lə müqavilə imzalayıb.
Sportarena.az xəbər verir ki, mütəxəssis 2019-cu ilə qədər klubla razılıq əldə edib. Məlumata görə, Mourinyonun müqaviləsi cari mövsüm başa çatdıqda qüvvəyə minəcək və Lui Van Qal komandadan ayrılacaq.
Məlumatda bildirilib ki, Mourinyonun gəlişi ilə birlikdə İbrahimoviçlə də müqavilə imzalanacaq.
Xatırladaq ki, İbrahimoviç açıqlamalarının birində Lui van Qalın "Mançester Yunayted"dən gedəcəyi təqdirdə komanda ilə müqavilə imzalaya biləcəyini bildirmişdi.