"Lester"in hücumçusu Ceymi Vardi 2 oyunluq diskvalifikasiya olunacaq.
Sportarena.az "The Telegraph" nəşrinə istinadən xəbər verir ki, futbolçu Premyer Liqanın XXXIV turunda "Vest Hem"lə matçda hakimi təhqir etdiyinə görə 2 oyunluq cəzalanacaq. O, "Suonsi" və "Mançester Yunayted"ə qarşı keçiriləcək matçlarda komandasına kömək edə bilməyəcək.
Qeyd edək ki, Vardi "Vest Hem"lə matçın (2:2) 56-cı dəqiqəsində ikinci sarı vərəqə ilə cəzalanaraq meydandan qovulmuşdu. Bu səbəbdən o, matçın baş hakimini təhqir etmişdi.