17 yaşadək futbolçulardan ibarət yığma komandalar arasında Bakıda keçirilən Avropa çempionatının final mərhələsində qrup oyunları davam edir.
Sportarena.az xəbər verir ki, bu gün A və B qruplarının növbəti oyunları keçiriləcək.
Günün ilk qarşılaşmasında B qrupunda mübarizə aparan Ukrayna və Avstriya ilə üz-üzə gələcək. 8-ci km qəsəbə stadionunda keçiriləcək oyun saat 14:00-da başlayacaq.
Günün növbəti görüşündə isə, A qrupunda millimizin rəqibləri olan Portuqaliya və Şotlandiya üz-üzə gələcək. Matç saat 15:30-da "Dalğa Arena" da start götürəcək.
Bu gün keçiriləcək matçlarda millimiz də növbəti matçına çıxacaq. İlk matçında Portuqaliyaya 0:5 hesabı ilə uduzan millimiz bu oyunda qələbə qazanmağa çalışacaq. Millimizin Belçika yığmasına qarşı keçirəcəyi matç 8-ci km qəsəbə stadionunda baş tutacaq. Görüş saat 19:00-da başlayacaq.
Saat 19:00-da daha bir oyuna start veriləcək. Bu matçda isə Almaniya millisi Bosniya və Herseqovina ilə münasibətlərinə aydınlıq gətirəcək.
8 may
A qrupu, II tur
15:30. Portuqaliya – Şotlandiya 2:0
"Dalğa Arena"
19:00. Azərbaycan – Belçika 1:1
8-ci KM stadionu
B qrupu, II tur
14:00. Ukrayna – Avstriya 0:2
8-ci KM stadionu
19:00. Almaniya – Bosniya və Herseqovina 3:1
"Dalğa Arena"