"Rostov" komandası səfərdə "Dinamo"ya qalib gəldikdən sonra nadir hadisə ilə üzləşib.
Sportarena.az Rusiya mətbuatına istinadən xəbər verir ki, oyundan dərhal sonra komandanın 11 futbolçusunu dopinq yoxlanışına aparıblar. Yoxlamanı FİFA-nın dopinq-zabitləri aparıblar.
Xatırladaq ki, bir müddət öncə "Rostov" klubunun futbolçularının meldonium adlı maddədən istifadə etdikləri barədə məlumat yayılmışdı.
Qeyd edək ki, Moskva "Dinamo"su ilə qarşılaşma Rostovun 3:1 hesablı qələbəsi ilə başa çatıb. Hazırda cənub təmsilçisi ölkə çempionatında 2-ci pillədə qərarlaşıb.