2015/16 İtaliya A seriyasının nəticəsinə görə "İnter" oyunlarına ən çox azarkeş gələn komanda olub.
Sportarena.az xəbər verir ki, Milan təmsilçisinin azarkeş sayının orta göstəricisi 22% artaraq 45538 nəfərə çatıb.
2-ci yerdə Turinin "Yuventus" (38628) komandası qərarlaşıb. Onların orta göstəricisi 2011-ci ildə yeni arenanın açılışından sonra dəyişməz olaraq qalır.
Üçüncü pilləni isə "Napoli" tutub (37777). Neapol təmsilçisinin orta göstəricisinin artımı 17,1% təşkil edib.
Qeyd edək ki, ümumilikdə İtaliya A seriyasında orta göstərici oyun başına 22 mindən bir qədər artıq təşkil edib.