Mayın 25-də Azərbaycan kubokunun finalında "Neftçi" ilə qarşılaşacaq "Qarabağ" klubu bu matçın biletlərini bugündən etibarən satışa çıxarıb.
Sportarena.az klubun rəsmi saytına istinadən xəbər verir ki, futbolsevərlər biletləri Tofiq Bəhramov adına Respublika stadionunun kassalarından ala bilərlər.
Qeyd edək ki, "Qarabağ" azarkeşləri üçün 1-13-cü sektorlara olan biletlər nəzərdə tutulub. 1-10-cu sektorlara biletin qiyməti 1 manat, 11-12-ci sektorlara 3 manat, 13-cü sektora isə 5 manatdır.
Xatırladaq ki, "Qarabağ" - "Neftçi" matçı mayın 25-i saat 20:00-da start götürəcək.