Bu gün Azərbaycan kubokunun final görüşü keçiriləcək.
Sportarena.az xəbər verir ki, final matçında "Qarabağ" və "Neftçi" komandaları üz üzə gələcək.
Görüşün favoriti olan "Qarabağ" klubu bu matça böyük əhval-ruhiyyə ilə çıxacaq. Belə ki, ölkə çempionluğunu qazanan Qurban Qurbanovun komandaası növbəti dəfə "qızıl dubl" etməyə çox yaxındır. Əgər Q.Qurbanovun yütirmələri yenidən ölkə kubokunu qazanacaqsa, çempionatda ilkə imza atmış olacaqlar. Belə ki, Azərbaycan çempionatında hələ heç bir klub ardıcıl iki dəfə "qızıl dubl" edə bilməyib.
"Neftçi" də bu matça iddialı çıxacaq. Vəli Qasımovun komandası Premyer Liqadakı uğursuz nəticəni kuboku qazanmaqla unutdurmaq niyyətindədir.
25 may (çərşənbə)
Azərbaycan kuboku, final
20:00.“Qarabağ” – “Neftçi” 1:0
Hakimlər: Fariz Yusifov, Yaşar Abbasov, Elman Musayev, Munis Abdullayev
Əlavə köməkçi hakimlər: Rəhim Həsənov, Ömər Paşayev
Tofiq Bəhramov adına Respublika stadionu