Paraqvay yığmasının hücumçusu Roke Santa Kruz Messinin Argentinada heç də yaxşı performans sərgiləmədiyi fikrinin yanlış olduğunu bildirib. Bununla belə o, qəbul edir ki, Messi öz ölkəsinin fanatlarını məmnun etmək üçün qarşıdakı “Copa Amerika Centenario” turnirinin qalibi olmalıdır.
“Mən onun hər zaman fərqli turnirlərdəki oyunlarına baxarkən düşünürəm ki, Messi ən yaxşılardandır və o, hər zaman yüksək səviyyədə çıxış edib. Ancaq bununla belə Messi öz ölkəsinin futbol fanatlarının gözləntilərini qarşılamaq üçün bu turnirin qalibi olmalıdır. Argentina həmişə bu turnirin ən böyük favoritlərindən olub, çünki onların heyətində Messi və başqa güclü oyunçular var”.