Azərbaycan klubları bu mövsüm avrokuboklarda Kosova təmsilçiləri ilə qarşılaşa bilməyəcək.
Buna Kosova klublarının 2016/2017 mövsümü üçün avrokuboklara buraxılmaması səbəb olub.
Kosovo Futbol Federasiyası may ayının əvvəllərində səs çoxluğu ilə UEFA üzvlüyünə qəbul olunub. Lakin Kosovada infrastruktur və klublarda maddi vəziyyət pis olduğu üçün UEFA bu ölkənin klublarını 2016/2017 mövsümündə avrokuboklara buraxmamaq qərarı verib. Kosova təmsilçiləri 2017/2018 mövsümündə avrokuboklarda iştirak edə bilmələri üçün qarşıdakı 1 il ərzində çatışmazlıqları aradan qaldırmağa çalışacaqlarını bəyan edib.
Qeyd edək ki, Azərbaycan rəsmi dövlət səviyyəsində Kosovanın müstəqilliyini tanımır.