Frankfurter Allgemeine Zeitung qəzetinin məlumatına görə FIFA-nın yeni prezidenti Canni İnfantino FIFA büdcəsindən olan pulları şəxsi məqsədlər üçün istifadə edirmiş.
14 min avroluq məbləği İnfantino idman trenajoru, smokinq, futbol butsiləri və matras almaq üçün istifadə edib. Həmçinin məlumatda qeyd olunur ki, nəşriyyatın əlinə keçən sənədlərdə İnfantinonun digər məqsədlər üçün də FIFA büdcəsindən istifadə etdiyi haqda informasiya var. Bu sənədlər artıq FIFA-nın etika üzrə komissiyasına göndərilib.
Qeyd edək ki, İnfantino bu ilin fevralında Yozef Blatterdən boşalan FIFA prezidenti postuna seçilmişdi.