İyunun 13-də “Copa Amerika-2016”da növbəti oyunlar keçirilib.
Bu gün “B” qrupunda mübarizə aparan komandalar meydana çıxıblar. Günün ilk matçında Ekvador milli Haiti yığma komandasını 4:0 hesabı ilə məğlub edib. Braziliya-Peru qarşılaşmasında isə sürpriz nəticə qeydə alınıb. Belə ki, rəqibinə 0:1 hesabı ilə məğlub olan Braziliya turnirlə elə qrup mərhələsindəcə vidalaşıb.
Braziliyalılar 3 oyundan 4 xal toplayaraq qrupda 3-cü yeri tutublar. Bu qrupdan növbəti mərhələyə Peru və Ekvador milliləri vəsiqə qazanıb.