Lionel Messi Argentina yığmasında karyerasını davam etdirmək qərarına gəlib.
L.Messi fasilə götürdüyündən 2018-ci il dünya çempionatının təsnifat mərhələsinin iki oyununu buraxacaq.
Bununla belə, o, mundialda iştirak edəcək.
Qeyd edək ki, L.Messi Argentinanın Amerika Kubokunun finalında Çiliyə məğlub olmasından sonra millidə karyerasını başa vurduğunu açıqlamışdı. Bununla əlaqədar Argentina prezidenti Maurisio Makri ölkə yığmasının hücumçusu Lionel Messiyə şəxsən zəng edərək ondan yığmada qalmağı xahiş edib. Prezident Messiyə zəng edib, yığmasının oyunu zamanı duyduğu qürur hissindən danışıb və ondan tənqidlərə məhəl qoymamağı xahiş edib.