"Xəzər Lənkəran" və 21 yaşadək futbolçulardan ibarət milli komandamızın əsas üzvü olan Elnur Cəfərovun yeni komandası müəyyənləşib.
Sportarena.az xəbər verir ki, 19 yaşlı futbolçu karyerasını Portuqaliyanın "Tondela" klubunda davam etdirəcək.
Gənc futbolçu "Tondela" ilə 1 illik müqavilə imzalayıb.
Xatırladaq ki, Elnur Cəfərov sözügedən kluba azad agent kimi transfer olunub. E.Cəfərov daha öncə İspaniyanın "Ovyedo" klubunda baxışda idi.
Qeyd edək ki, "Tondela" Portuqaliya Premyer Liqasında son mövsümü 16-cı pillədə başa vurub.
