"Xəzər Lənkəran"ın sabiq futbolçusu Elnur Cəfərov Portuqaliyanın "Tondela" klubunda ilk qolunu vurub.
Sportarena.az xəbər verir ki, Cəfərovun komandası bu gün növbəti yoxlama görüşünə çıxıb. Komanda Portuqaliyanın digər təmsilçisi "Mortaqua" ilə qarşılaşıb. Görüş "Tondela"nın 4:1 hesablı qələbəsi ilə başa çatıb. Elnur Cəfərov matçın 87-ci dəqiqəsində komandasının 4-cü qolunu vurub.