Argentinalı futbolçu Lionel Messi yığma komandaya qayıtmaq barədə qərar verib. Xatırladaq ki, Messi 2 ay əvvəl millidən getdiyini bildirmişdi.
«Argentina futbolunda problem çoxdur. Daha birini də mən yaratmaq istəmirəm.Bacardığım qədər kömək etməyə çalışacağam.Çox şeyləri düzəltmək lazımdır.
Finalda məğlubiyyətdən sonra çox fikirləşdim.Ölkəmi çox sevirəm . Bu səbəbdən də millidən getmək mənim üçün asan deyil. Mənim oynamaq istədiyimi arzulayan hər bir kəsə təşəkkür etmək istəyirəm.Ümid edirəm ki, yaxın vaxtlarda onları sevindirəcəyəm», – deyə Messi qeyd edib.