Rio-de-Janeyroda keçirilən XXXI Yay Olimpiya Oyunlarında yunan-Roma güləşi üzrə yarışlar 14-16 avqust tarixlərində keçiriləcək.
Sportarena.az-ın Azərbaycan Güləş Federasiyasının saytına istinadən yaydığı xəbərə görə, güləş yarışlarının ilk günündə 59 və 75 kq çəki dərəcələrində yunan-Romaçılar arasında qaliblər müəyyənləşəcək.
59 kq çəki dərəcəsində çıxış edən cüdoçumuz Rövşən Bayramov mübarizəyə 1/8 final mərhələsindən start verəcək. Onun ilk rəqibi Rayber Xose Orozko Rodrigez (Venesuela)olacaq. Görüş Bakı vaxtı ilə saat 17:15-də başlayacaq.
75 kq çəkidə yarışan Elvin Mürsəliyev isə lap əvvəldən, 1/16 finaldan etibarən mübarizə aparacaq. Onun rəqibi Rəşad Fevzi Mahmud Sebye (Misir) olacaq. Güləşçimizin ilk görüşü saat 17:05-də start götürəcək.
59 kq
1/8 final - Rövşən Bayramov - Rayber Xose Orozko Rodrigez (Venesuela)
75 kq
1/16 final - Elvin Mürsəliyev - Rəşad Fevzi Mahmud Sebye (Misir)