Çimərlik futbolu üzrə Azərbaycan milli komandası FIFA Dünya Kuboku-2017 turnirinin seçmə mərhələsində ikinci oyununu keçirib.
Sportarena.az AFFA-nın saytına istinadən yaydığı xəbərə görə, Danimarka yığması ilə qarşılaşan millimiz 3:2 hesabı ilə qələbə qazanıb. Komandamızın qollarını Sabir Allahquliyev, Renat Sultanov və Hikmət Bağırov vurub.
Millimiz növbəti oyununu avqustun 14-də Macarıstan yığmasına qarşı keçirəcək. Qarşılaşma Bakı vaxtı ilə saat 19:00-da başlayacaq.