Rio-de-Janeyrodakı XXXI Yay Olimpiya Oyunlarında güləş yarışlarına start verilib.
Sportarena.az xəbər verir ki, bu gün yunan-Roma güləşi yarışlarında mübarizəyə qoşulan Azərbaycan idmançısı Elvin Mürsəliyevin çıxışı uğurlu olub.
Belə ki, 75 kiloqram çəki dərəcəsində yarışan güləşçimiz Azərbaycan təmsilçisi, ilk Avropa Oyunlarının qalibi Elvin Mürsəliyev 1/16 final mərhələsində Misir təmsilçisi Mahmud Fevzi Rəşad Sebye ilə üz-üzə gəlib. Rəqibini məğlub edən Elvin Mürsəliyev 1/8 final mərhələsinə yüksəlib.