Hazırda Ukraynada təlim-məşq toplanışında olan "Qəbələ" hazırlıq çərçivəsində yoxlama oyunu keçirib.
Sportarena.az-ın klubun saytına istinadən yaydığı xəbərə görə, Roman Qriqorçukun komandası Moldovanın “Dinamo-Avto” klubu ilə görüşüb.
Matçda ilk qolu 79-cu dəqiqədə Baqali Dabo vurub. 90-cı dəqiqədə isə Rəşad Eyyubovun qolu yekun nəticəni müəyyənləşdirib - 2:0.
Xatırladaq ki, “Qəbələ”nin Ukraynadakı təlim-məşq toplanışı sentyabrın 7-dək davam edəcək.