Bu gecə Kolumbiyada keçirilən futzal üzrə dünya çempionatının 1/4 final mərhələsinə yekun vurulacaq.
Sportarena.az xəbər verir ki, tarixində ilk dəfə Dünya çempionatının final mərhələsinə qatılan Azərbaycan millisi yarımfinala vəsiqə uğrunda matçda Portuqaliya ilə üz-üzə gələcək.
Görüş yerli vaxtla 18:00-da, Bakı vaxtı ilə saat 03:00-da start götürəcək.
Qeyd edək ki, qalib komanda yarımfinalda Argentina – Misir cütünün qalibi ilə qarşılaşacaq.