“Mançester Yunayted”in hücumçusu Memfis Depay qış fasiləsində klubunu dəyişmək qərarına gəlib.
Sportarena.az xəbər verir ki, Joze Mourinyonun gəlişindən sonra əsas heyətə düşməyən 22 yaşlı futbolçu Türkiyəyə üz tutur.
Hollandiya millisinin aparıcı üzvü mövsümün ikinci yarısını “Fənərbaxça”da icarə əsasında keçirə bilər. Avropa Liqasının qrup mərhələsində “Qırmızı şeytanlar”la oyundan sonra “Fənərbaxça”nın baş məşqçisi Dik Advokat həmyerlisini komandada görmək istədiyi barədə açıqlama vermişdi.