Bu gün AFFA İntizam Komitəsinin növbəti iclası keçirilib.
Sportarena.az xəbər verir ki, aparılan müzakirələrdən sonra AFFA tərəfindən təşkil olunan müxtəlif çempionatlarla bağlı aşağıdakı qərarlar çıxarılıb:
U-19 Liqasında “Kəpəz” (Gəncə) - “Turan” (Tovuz) matçının 44-cü dəqiqəsində “Kəpəz”in futbolçusu Rəşad Nağıyev hakimi təhqir etdiyinə görə 4 oyun cəzalanıb. Oyunun 88-ci dəqiqəsində “Turan Tovuz”un futbolçusu Məhərrəm Hacıyev rəqibi təhqir etdiyinə görə 3 oyun cəzalanıb.
U-10 Liqasında “Leon” FK (Bakı) – “Təhsil” FM (Bakı) matçı başa çatdıqdan sonra “Təhsil ” FM klubunun məşqçisi Tural Kərimov oyunun baş hakiminə qarşı qeyri-etik ifadələr işlətdiyinə və fiziki təsir göstərdiyinə görə 1 il yarışlardan kənarlaşdırılıb.