"Monreal İmpakt"ın futbolçusu Didye Droqba dekabrda Kanada klubunu tərk edəcək.
Sportarena.az xəbər verir ki, bu barədə klubun rəsmi saytı məlumat yayıb.
Məlumata görə, o, komanda ilə müqaviləsini artırmaq niyyətində deyil.
Xatırladaq ki, D.Droqba 2015-ci ildə "Çelsi"dən "Monreal İmpakt"a transfer olunub. Onun Kanada klubu ilə olan müqaviləsi dekabrda başa çatacaq.
Qeyd edək ki, D.Droqba bu mövsüm MLS liqasında 22 oyuna 10 qol vurub, 6 qolun ötürməsini verib.