İran çempionatında 14-cü turun oyunları keçirilir.
Sportarena.az xəbər verir ki, Təbriz klublarından yalnız "Qostareş" azarkeşlərini sevindirib. Öz meydanında "İstiqlal"la (Xuzestan) qarşılaşan komanda 2:1 hesabı ilə qalib gəlib.
Təbrizin digər klubu "Maşın Sazi" səfərdə "Məşəd"ə uduzub - 0:1. "Traktor Sazi" isə öz meydanında "Sepehan"a məğlub olub - 1:2.
Qeyd edək ki, "Traktor Sazi" 27 xalla 2-ci, "Qostareş" 17 xalla 9-cu, "Maşın Sazi" isə 6 xalla sonuncu pillədə qərarlaşıb.