Futzal üzrə Avropa çempionatının əsas seçmə mərhələsinin Bakıda keçiriləcək 2-ci qrupunun oyunlarının təqvimi bəlli olub.
Sportarena.az xəbər verir ki, AVRO-2018-ə qatılmaq arzusunda olan 4 komanda paytaxtda üz-üzə gələcək. Turnirin bütün oyunları Bakı İdman Sarayında keçiriləcək. İlk turda yığmamız Bosniya və Herseqovinanı sınağa çəkəcək. Ardınca Albaniya, sonda isə Macarıstanla qarşılaşacaq.
Qeyd edək ki, bu mərhələnin qrup qalibləri birbaşa AVRO-2018-ə vəsiqə qazanacaq. 2-ci yer sahibləri və ən yaxşı nəticəyə malik 3-cü yeri tutan komanda pley-offda son 4 vəsiqənin sahibini müəyyənləşdirəcək.
AVRO-2018 əsas seçmə mərhələ, 2-ci qrup
1-ci tur
8 aprel
16:00. Macarıstan - Albaniya
18:30. Azərbaycan – Bosniya və Herseqovina
2-ci tur
9 aprel
16:00. Bosniya və Herseqovina - Macarıstan
18:30. Azərbaycan – Albaniya
3-cü tur
11 aprel
17:30. Albaniya – Bosniya və Herseqovina
20:00. Macarıstan – Azərbaycan