Bu gün AFFA İntizam Komitəsinin iclası keçirilib.
Sportarena.az xəbər verir ki, UEFA-dan daxil olmuş “danışılmış oyunlarla” bağlı hesabatlara, AFFA-nın İcraiyyə Komitəsinin bununla bağlı tövsiyələrinə əsaslanaraq, “danışılmış oyunlarda” iştirak edən futbol subyektləri ilə bağlı sərt qərarar qəbul edilib.
Aşağıda adları göstərilmiş 9 futbolçunun “danışılmış oyunlarda” iştirakı qismən sübut edildiyinə görə onlara 2016/17 futbol mövsümünün sonuna qədər futbola aid hər bir məşğuliyyət qadağan edilib:
“Şahdağ”
İqrar Səmədov
Uce Cukenyere
“Rəvan”
Elvin Əliyev
Cəmşid Məhərrəmov
“Göyəzən”
Arzuman Vəliyev
Tunar Şahtaxtinski
“Energetik”
Elvin Əlizadə
Kamran Lalayev
Ruslan Həmidov
Adları “danışılmış oyunlarda” ən çox hallanan “Rəvan” və “Şərurspor” I Diviziondan kənarlaşdırılıb. Hər iki klub I Divizionda oyunların 50 faizdən çoxunda iştirak etdiklərinə görə hər iki kluba növbəti oyunlarında 0:3 hesablı texniki məğlubiyyət verilib. "Rəvan” və “Şərurspor”un oyunçularına “azad agent” statusu verilib.
Adları “danışılmış oyunlarda” hallanan “Şahdağ”, “Energetik”, “Bakılı” və “Göyəzən”ə xəbərdarlıq edilib. Bu klubların “danışılmış oyunlarda” iştirakı ilə bağlı hər hansı yeni fakt qeydə alınarsa, bu klublar I Diviziondan kənarlaşdırılacaq.
Hakim - Anar Niyazova ömürlük, “Şahdağ”ın inzibatçısı Rafael Kübərova 2 il müddətinə futbola aid hər bir məşğuliyyət qadağan edilib.