Kişi voleybolçular arasında Azərbaycan çempionu müəyyənləşib.
Sportarena.az xəbər verir ki, Bakının “Lokomotiv” klubu çempionatın bitməsinə bir tur qalmış qızıl medalları təmin edib. “Dəmiryolçular” Naxçıvanda keçirilən 2-ci dövrənin 2-ci oyun günündə “Neftçi”ni 3:1 hesabı ilə məğlub edərək ölkə çempionu olub.
Günün digər oyununda isə MOİK "Naxçıvan"ı 3:2 hesabıyla məğlub edib. Sabah “Lokomotiv” MOİK-lə, “Naxçıvan” isə “Neftçi” ilə üz-üzə gələcək. Hər iki komanda qələbə qazanaraq “bürünc”ə yiyələnməyə çalışacaq. Əgər ikisi də liderlərə məğlub olsalar, bürünc medalların sahibi “Naxçıvan” olacaq.