Portuqaliya Sequndasında 35-ci turun oyunları keçirilib.
Komanda.az xəbər verir ki, həmyerlimiz Budaq Nəsirovun şərəfini qoruduğu "Sportinq B" səfərdə "Santa Klara" ilə qarşılaşıb. Futbolçumuzun komandası oyundan heç-heçə ilə ayrılıb - 1:1.
Nəsirov oyunun 81-ci dəqiqəsində meydana çıxıb. Lissabon təmsilçisi məhz Budaq meydana daxil olduqdan 1 dəqiqə sonra cavab topunu vuraraq, məğlubiyyətdən xilas olub.
Qeyd edək ki, hazırda hesabında 47 xal olan "Sportinq B" 22 komanda arasında 13-cü pillədə qərarlaşıb.