FİFA milli komandaların növbəti reytinq cədvəlini açıqlayıb.
Sportarena.az xəbər verir ki, ötən ayla müqayisədə millimiz 11 pillə irəliləyib. Komadamız 439 xalla 76-cı yerdə qərarlaşıb.
Millimizin DÇ-2018-in seçmə mərhələsindəki rəqiblərindən Almaniya 1511 xalla 3-cü, Şimali İrlandiya 837 xalla 28-ci, Çexiya 690 xalla 45-ci, Norveç 391 xalla 87-ci, San Marino isə 12 xalla 204-cü yerdə qərarlaşıb.
Qeyd edək ki, siyahıya 1715 xalla Braziliya millisi başçılıq edir. Argentina 1626 xalla ikincidir.