Bu gün Çempionlar Liqasının 2016/17 mövsümünün 1-ci və 2-ci təsnifat mərhələsinin püşkatması keçirilib.
Sportarena.az xəbər verir ki, millimizin üzvü Ramil Şeydayevin şərəfini qoruduğu “Jilina”nın da rəqibi bəlli olub. Son Slovakiya çempionu mübarizəyə 2-ci təsnifat mərhələsindən qoşulacaq. “Sarı-yaşıllar” Danimarka çempionu “Kopenhagen”ə rəqib olub. Bu komandalar arasında ilk oyun Slovakiyada keçiriləcək.
Qeyd edək ki, Şeydayev son mövsümdə “Jilina”da şans qazandığı 12 oyunda 5 qola imza atıb.
Əlavə edək ki, 2-ci təsnifat mərhələsinin ilk oyunları 11-12 iyulda, cavab oyunları isə 18-19 iyulda keçiriləcək