Milli komandamızın oyunçusu Dmitri Nazarovun formasını geyindiyi "Aue" yoxlama oyunu keçirib.
Sportarena.az xəbər verir ki, II Bundesliqada çıxış edən komanda “Herta”nın əvəzedici komandası ilə üz-üzə gəlib. Oyun "Aue"nin 5:0 hesablı qələbəsi ilə yekunlaşıb. Oyuna ilk "11-lik”də başlayan milli üzvü bir hissə meydanda olub. O, qarşılaşmanın ilk 20 dəqiqəsində dubl etməyə də imkan tapıb. Nazarov 15 və 20-ci dəqiqələrdə fərqlənib.
Qeyd edək ki, sözügedən komanda bundan əvvəlki sınaq oyununda həmşəhərliləri, ancaq aşağı liqada çıxış edən “Saksonia Bernsbax”a 24:0 hesabı ilə qalib gəlmişdilər. Həmin matçda Dmitri oynamamışdı.